Xiddiga kooxda Man United ee Bruno Fernandes ayaa fariin la yaab leh oo lix kelmad ah u diray Jadon Sancho kadib markii uu xiddiga garabka ka ciyaara ee Man United u soo bandhigay qaab ciyaareed cajiib ah.
Ciyaaryahanka garabka ka ciyaara ee Chelsea ayaa ka soo kacay kursiga keydka, waxaana uu caawiye ka ahaa goolkii guusha ee Christopher Nkunku oo dhamaadkii ciyaarta ka dhaliyay Bournemouth sabtidii, isagoo ku muteystay abaalmarinta ciyaaryahankii ugu fiicnaa ciyaarta.
Ciyaarta ka dib, 24-sano jirkaan ayaa soo dhigay baraha bulshada si uu ugu dabaaldego guusha, saaxiibkiisii hore ee United Fernandes ayaa ka mid ahaa dad badan oo u hambalyeeyay xiddiga heerka caalami ee dalka England.
Sancho ayaa isha ku haya inuu dib u dhiso xirfadiisa ka dib markii uu niyad jab ku dareemay joogitaankiisa Red Devils.
Laacibkii hore ee Borussia Dortmund ayaa heshiis amaah ah ugu biiray Blues dabayaaqadii bishii hore, waxaana uu haatan ku bilowday qaab wanaagsan.
Sancho ayaa rajeynaya inuu helo waqti badan marka ay Chelsea la ciyaarto deriskooda ee West Ham kulan ka tirsan Premier League-ga bilowga Sabtida, ka hor inta aysan la ciyaarin Barrow wareega seddexaad ee Carabao Cup.
