Alan Shearer ayaa Gabriel Jesus u sheegay in uu qaab ciyaareedkiisa kor u qaado si uu u buuxiyo booska xiddiga ka dhaawacmay Arsenal ee Bukayo Saka.

Saka ayaa ahaa xiddiga ugu fiican kooxda Arsenal xilli ciyaareedkan isaga oo dhaliyay 5 gool 10 kalena caawiye ka noqday ilaa haatan.

Laakiin Arsenal ayaa war xun Heshay kadib markii uu Saka ka dhaawacmay kooxda lana filayo in uu muddo ka maqnaado garoomada.

Shearer ayaa Jesus u sheegay in uu kor u qaado qaab ciyaareedkiisa kadib markii uu dhaliyay goolal kulamadii ugu dambeeyay.

Jesus ayaa dhaliyay 5 gool 2-dii kulan ee ugu dambaysay saddexley uu dhaliyay kulankii Palace ee Carabao cup-ka iyo 2 gool uu dhaliyay horyaalka sabtidii.

“Waxay u noqon doontaa Arsenal khasaare weyn,” ayuu Shearer ka yiri dhaawaca Saka

“Kaliya ma waayi doonaan goolasha Saka sidoo kale waxa ay waayi doonaan caawintiisa waana sababta ay tahay in uu Jesus kor u qaado qaab ciyaareedkiisa si uu u buuxiyo booska Saka”.